Patay ang isa ka mangunguma matapos ginluthang sa wala pa makilal-an nga mga persona sa banwa sang EB Magalona.
Sa interview sang Bombo Radyo kay Police Captain Eric Doronila, hepe sang EB Magalona Municipal Police Station, nagreport si Daniboy Libre, utod sang biktima nga si Roger Libre, residente sang Barangay Patag, Silay City, nga nasapwan na lamang nga wala na sang kabuhi sa Trinity Barangay Canlusong, EB Magalona.
Suno kay Doronila, nagpatigayon lang sila sang follow up investigation bangud mabukid na nga lugar ang Barangay Canlusong kag nagahalong sila nga indi masulit ang natabo sa banwa sang Binalbagan kun sa diin gin-ambush ang mga kapulisan.
Suno diri, ang biktima ang isa ka mangunguma kag malapit sa mga kapulisan kag mga CAFGU.
Sa karun ginatumod pa kun diin ang iya pilas kag nagapadayon pa man ang koordinasyon sa mga counterparts kag mga barangay.
Isa sa mga ginalantaw nga motibo sang kapulisan amu ang iya trabaho bilang isa ka mangunguma apang sa karun nagapadayon pa ang ila imbestigasyon.
