Gin-acquit sang Regional Trial Court (RTC) Manila ang anay Negros Oriental Rep. Arnolfo “Arnie” Teves Jr. sa kaso nga murder may kaangtanan sa 2019 killings sa Negros Oriental.
Ang desisyon ang ginpagwa isa ka tuig matapos siya nga gin-aresto sa Timor-Leste sang 2024 kag gin-deport pabalik sa Pilipinas sang 2025.
Nagtambong si Teves sa iya arraignment sa RTC Manila Branch 15 sang Hulyo 2025, kun sa diin otomatiko nga ginpasulod ang “not guilty”plea.
Suno sa iya abogado nga si Atty. Ferdinand Topacio, ang husga ang nagapakita nga wala sang mabakod nga ebidensya batok sa anay kongresista.
Apang, ginalauman nga maga-file sang apela ang prosekusyon agud nga kuwestyunon ang desisyon sang korte.
Madumduman nga ginkakas si Teves sa House of Representatives sang 2023 bangud sa mga kaso nga kriminal kag “unauthorized absence.”
Nagapabilin nga sensitibo ang isyu sa Negros Oriental bangod madamo sa gihapon nga mga pamilya ang nagapangita sang hustisya para sa mga biktima.
