Nagbiyahe padulong sa Chicago ang mag-asawa nga sanday Manny Pacquiao kag Jinkee Pacquao agud idul-ong ang ila bata nga si Queenie sa pagpadayon sa iya pag-eswkwela sa America.
Ginshare sang Boksidor sa iya Facebook page ang ila pictures sa pag-abot sa Chicago sang Miyerkules kun sa diin liwat nila nga nakita ang ila isa pa ka bata nga si Princess.
Suno kay Manny, espesyal ang ila pagbalik sa Chicago bangud gindul-ong nila si Queenie sa unibersidad para sa panibag-o sini nga journey sa iya kabuhi.
Nagtapos sa highschool si Queenie sang Mayo sa Brent International School Manila.
Magapadayon siya sa pag-eskwela sa Loyola University Chicago sa kurso nga forensic science.
Antes nagpadulong sa Chicago, naghatag sang oras sanday Manny, Jinkee kag Queenie sa California agud makaupod ang ila kinamagulangan nga si Jimuel Pacquiao kag asawa sini nga si Carolina kag ang ila bata nga si Clara.
Luwas kanday Quennie kag Princess, may duha pa ka bata si Manny kag Jinky nga sanday Israel kag Michael.
