Natapos sa majority draw ang match ni Manny Pacquiao kag Mario Barrios para sa WBC welterweight title.
Naglab-ot tubtob sa 12 rounds ang match sang duha apang naretain ni Barrios ang title sini.
Suno sa Filipino champ, close fight ang ila match kag para sa iya isa ini ka maayo nga hampang.
Suno kay Pacquiao, isa sa nakaapekto sa iya performance amo ang kakulangan sang tiyempo para sa training.
Apang dako ang pagpalangga sini sa Pilipinas kag suno pa diri, bukas siya para sa rematch batok kay Barrios bangod ini ang mangin isa sa legasiya nga mabilin sini sa mga Pilipino.
Samtang, bukas man si Mario Barrios para sa rematch batok kay Pacquiao.
Suno diri, nakita niya ang kabakod kag stamina ni Pacquiao amo nga wala man ini nag-isol sa pagbato.
Suno kay Barrios, mabakod nga opponent si Pacquiao kag luyag sini sa liwat nga makontra ang Filipino legend sa sulod sang ring.
