May bag-o nga opponent ang Filipino Boxing Champ nga si Manny Pacquiao para sa three-round exhibition match sa Japan matapos nga na-injure ang orihinal nga opponent sini nga si Chihiro Suzuki.
Ang 45 anyos, nga multiple world champion sang Pilipinas ang may natalana nga exhibition match batok kay Suzuki sa Hulyo 28 sa Saitama sa 68kg boxing bout sang three rounds sa three minutes each, nga wala sang desisyon sang judge.
Apang, nagdesisyon si Suzuki nga magwithdraw matapos ini nga mainjury sa kamot kag siya ang pagabuslan sang Japanese mixed martial artist nga si Rukiya Anpo.
Suno kay Pacquiao, magahimo ini sang comeback sa professional boxing matapos ang tatlo ka tuig.
Suno diri, ginahitso naman sa karun ang posible nga pag-atubang sini kay American Mario Barrios sa posible nga WBC welterweight world title.
Matapos nga wala nangin madinalag-on ang pagpadalagan ni Pacquiao sa Philippines presidency sa May 2022 election, nagbalik ini sa ring para sa exhibition sa Seoul sang December 2022 batok sa South Korean Youtuber.
