Nag-umpisa na sa pag-operate ang temporary stall sang Manokan Country sa terminal hub sang SM.
Suno kay Dee Sacro, presidente sang Manokan Country Association, may instructions na sa ila para sa simultaneuos grilling.
Suno diri, nag-umpisa na sila sa pag-operate apang nagakinahanglan pa sang tents para mas madamo ang macater nga costumer kag iban ang nagakinahanglan sang dugang nga manpower bangod iban sa ila nagapadayon pa sa pagbaligya sa Manokan Country.
Plano man nila sa karun nga “pay as you order” ukon “self-service” na lang ang ipa-implementar bangod mabudlay magserve sa lugar.
Pahayag ni Sacro, ila pagalantawon kun ano ang mangin resulta sa pagnegosyo nila sa temporary stall.
Samtang, nagpasalig naman si Bacolod City Mayor Alfredo “Albee” Benitez nga mahatag ini sang food voucher sa mga tenants.
Suno sa alkalde, mahatag ini kun masaylo na ang mga tenants sa temporary stall.
