Aminado ang nagabaligya sang school supplies sa syudad sang Bacolod nga nagdamo ang nagbakal sang ila produkto sa pagbukas sang klase.
Suno kay Judy Villarca, nagdamo ang nagbakal sa ila sang Biyernes tubtob Domingo sang nakaligad nga semana.
Suno kay Villarca, madamo ang ila nga customer bangud magluwas nga halos kompleto na ang store nagabaligya pa ang mga ini sang pack kun sa diin makakinot ang mga ginikanan.
Suno pa diri ang ila lamang store ang nagabaligya sang pack kag ang iban nga store ang retail lang.
Wala man ang mga ini nagpasaka sang presyo sang ila nga ginabaligya.
Ang notebook, composition man ukon writing, ini ang mabakal sang P15 kada isa samtang kun pack mabakal ini sang P150 kun sa diin napulo na kabilog nga notebooks ang unod sini.
Ginpahayag man ni Villacarca nga madamo man ang nagabakal bangud mas barato ang baligya nila kumparar sa iban nga stores.
Nagadamo man ang nagabakal sa tion nga mag-udto ukon hapon ilabi na sa mga ginikanan nga indi pa kompleto ang mga gamit sang ila mga kabataan sa eskwelahan.
