Nakabaton sang award bilang Arizona History Teacher of the Year ang manunudlo nga tumandok sang banwa sang La Castellana nga nagatrabaho sa Estados Unidos.
Sa interview sang Bombo Radyo kay Jeron Velasco, gin-nominar siya sang iya kilala nga nakahibalo kun ano ang iya ginahimo, ginatudlo, ginahatag nga project kag iya man kabdulayan bilang history teacher.
Suno diri, tatlo ka tuig na siya nga nagatudlo sa Arizona kag para sa iya dako ang kinalain sang pag-eskwela sa Pilipinas kag sa Estados Unidos.
Kun sa Pilipinas, ginapilit ang mga kabataan magtoon, magpasa sang project kag ginasugo sa mga dapat nga himo-on, baliskad naman ini sa US.
Bangod sa cultural differences, makabig nga bastos kag masakit para sa iya ang mga paminatasan sang mga kabataan sa US.
Tuman ang kabdulay nga iya naagyan apang nagpadayon ini kag nangita sang paagi kun paano mag-adjust para sa iya mga estudyante.
Samtang, manami naman ang ginahatag nga suporta sa mga manunudlo sa Estados Unidos kun ikumpara diri sa Pilipinas.
