Proud ang adviser sang estudyante nagikan sa Mariano G. Medalla Integrated School sa Barangay Pahanocoy, Bacolod City nga gin-upod ni Vice President Sara Duterte sa biyahe sini sa Brunei Darussalam kag Singapore bilang kabahin sang “You Can Be VP” sini nga programa.
Ang 14 anyos nga bata ang nakita lamang sang bise presidente sang nagbisita sa MG Medalla Integrated School matapos nga ini ang nagsabat sa pamangkot angot sa teenage pregnancy.
Bangud nanamian ang bise presidente sang sabat sang bata sa pamangkot sini, ginkuha niya ang ngalan kag contact number sang bata bangud dal-on sini ang bata sa official visit sini sa duha ka pungsod.
Sa interview sang Bombo Radyo kay Mary Jane Jomero, nag-ayo ang iloy sang estudyante nag Naomi lamang ang ipagwa nga pangalan sini para sa iya seguridad.
Suno kay Jomero, transferee si Naomi kag nag-eskwela lamang sa Medalla sang Grade 8 ini.
Suno diri, siya ang isa ka diligent, outspoken kag wide reader nga estudyante.
Responsable ini sa mga aktibidad, with honors humalin first tubtob third quarter kag nagapakigbahin man sa badminton.
Suno sa iya, wala nila ginlauman nga magapadulong ang bise-presidentesa buluthuan kag random man ang pagsulod sini sa ila nga classroom.
Dako nga dungog para kay Jomero kag sa bilog nga buluthuan ang eksperyensya ni Naomi, nga excused humalin Hunyo 9 tubtob Hunyo 16 kag makabaton ini sang pagkilala sa iya pagbalik sa buluthuan.
