Gintawag ni former Commission on Election (COMELEC) Commissioner Atty Rowena Guanzon nga “evil” ang Marcos Administration sa paglagas kag pagkaso kay Vice President Sara Duterte.
Sa interview sang Bombo Radyo Bacolod kay Guanzon, maathag nga politically motivated ang 3 counts sang grave threats nga ginfile kay VP Sara, gani nagakadapat lamang nga pamatukan.
Suno diri, luyag ni President Ferdinand Marcos Jr. nga mapabilin sa gahom, bangod matapos sang iya termino indi pa handa si House Majority Leader Representative Sandro Marcos para sa Presidential Election.
Pahayag ni Guanzon nga luyag ni Presidente Marcos nga madula sa politika si VP Sara, apang nakita sini nga indi makuha ang 16 votes sa Senado para ini ang ma-impeachment rasun nga ini ang ginpakasuhan.
Nagapati ang abogada nga ini ang tikang sang Administrasyon agud mapakita nga malain ang batasan kag magub-an sa tawo si VP Sara.
Apang nagapati man si Guanzon nga suli sa ginalauman ni Marcos, mas nakita sang publiko nga nagasobra kag halos martial law na ang ginahimo sang administrasyon.
Suno diri, luyag ipakita ni Marcos nga siya ang mabuot, apang para kay Guanzon, si Marcos ang cruel kag impulsive.
