Marcos Administration, tatak na ang “kawad-on sang trabaho, kapigaduhon, kag bagsak nga ekonomiya” – Kilusang Mayo Uno

Ginalauman na sang Kilusang Mayo Uno nga ipadayaw ni President Ferdinand “Bongbong” Marcos Jr. ang mga accomplishment sa iya administrasyon sa iya State of the Nation Address, apang para sa ila tatak na sang Marcos Administration ang kawad-on sang trabaho, kapigaduhon, kag bagsak nga ekonomiya.

Sa interview sang Bombo Radyo Bacolod kay Kilusang Mayo Uno Secretary-General Noli Rosales, mahimo nga ipadayaw ang P85 nga wage increase sa National Capital Region, apang ini ang tuman pa ka layo sa matawag nga family living wage.

Dugang pa sini nga nagsaka na sa 2.4 million ang mga wala sang trabaho sa Pilipinas, samtang tuman man kadamo sang mga remedyo general lamang ang palangabuhian.

Partikular na sa Negros Occidental, ilabi na karun nga tiempos muertos bangod sarado pa ang mga sugar miling companies.

Ang kakulangan sa trabaho ang nagaresulta naman sa gutom.

Pahayag sini nga ang Pilipinas ang napun-an sang problema sa kakulangan sang trababho, lapnagon nga gutom, gin-igo sang mga kalamidad, krisis sa enerhiya kag gatong, kag ginpalala pagid sang kurapsyon.