Hatagan pa ni President Ferdinand “Bongbong” Marcos Jr. sang mas malawig nga tinion ang kaugalingon agud nga makapili sang magabulos kay Vice President Sara Duterte bilang secretary sang Department of Education (DepEd).
Ini ang kasunod sang pag-resign ni Duterte bilang secretary sang DepEd.
Suno kay Marcos, indi mahapos ang magpili sang bag-o nga ibulos sa nasambit nga posisyon ilabi na nga ginapadalman sini ang screening process para sa nagakabagay sa pwesto ang ibutang sini.
Suno sa presidente, isa sa ginalantaw sini amo ang kun ano gid ang kinahanglan sang DepEd, ilabi na nga madamo ang nagasuggests nga nagakabagay ibutang bilang secretary amo ang isa ka manunudlo, kun sa diin, ginakabig man sini nga isa ka valid nga concern.
Nakita man sang presidente sa pagtsekyar sang mga curricula vitae nga pila sa mga potential candidates ang may maayo nga performance.
Gin-athag man ni Marcos nga ang nagakabagay sa pwesto amo ang may pag-intsindi bilang isa ka manunudlo nga may yara sang leadership traits.
Ginalantaw man sini ang ikasarang sang isa ka secretary nga malab-ot ang tinutuyo, handom, kag plano sang gobyerno agud nga malab-ot ang masanyog nga educational standard.
Naga gwa sa PISA report nga ang mga Filipino students ang nagpangaduha sa pinakaulihi sa listahan sa patag sang creative thinking.
Nagpasalamat naman si Marcos sa nangin kontribusyon ni Duterte sa DepEd bangud para sa iya, indi mahapos ang mangin tiglikom sang nasambit nga departamento.
