-- ADVERTISEMENT --
Ginpahayag ni President Ferdinand ”Bongbong” Marcos Jr. nga ang Trabaho Para sa Bayan plan ang makabulig sa paghimo sang kapin three million ka bag-o nga trabaho para sa mga Filipino sa 2028.
Ini ang ginpahayag ni Marcos sang ini ang nagtambong sa 2024 National Employment Summit sa Manila Hotel.
Ang Trabaho Para sa Bayan plan ang isa ka 10-year roadmap, nga magaserbe bilang national guide padulong sa mas madamo nga employment generation kag recovery.
Ginpahayag man sang presidente nga ang employment summit ang perpekto nga tion para sa key players nga maghugpong sa pagpakita sang espirito sang Bayanihan samtang ang pungsod ang nagatinguha agud nga makalab-ot ang kinahanglanon sang local, national, regional, kag international labor markets.
