Ginpahibalo sang Philippine Statistics Authority (PSA) ang House committee on good government and public accountability nga wala ini sang rekord ni “Mary Grace Piattos” sa ila database.
Sa isa ka sulat para kay House panel chairperson Rep. Joel Chua, National Statistician kag Civil Registrar General Claire Dennis Mapa, nakabutang nga wala sang certificate of live birth (COLB) si “Piattos”, certificate of marriage (COM), kag certificate of death (COD) sa ila database.
Ang certification ang gin-issue sang Nobyembre 25 kag ginbaton sang opisina ni Chua sang Lunes.
Apisar nga wala sang records ni “Mary Grace Piattos” sa database, ginpahayag ni Mapa nga sarang nga makasearch ang PSA sang dugang nga impormasyon kaangay sang pangalan sang mga ginikanan, petsa kag lugar sang vital event nga sarang nga mahatag sa PSA.
Suno kay Chua, ginasuspetsuhan na sang House panel nga indi matuod-tuod nga persona si ”Mary Grace Piattos.”
Ang PSA findings ang igalakip sa committee report sang legislative inquiry.
