Ginpasalamatan ni Mary Jane Veloso si President Ferdinand Marcos Jr. kag Indonesian President Prabowo Subianto kasubong man ang tanan nga nagbulig agud siya ang makabalik na sa Pilipinas matapos ang 14 ka tuig nga pagkapriso sa Indonesia.
Sang Miyerkules sang gab-i, nag-abot si Veloso sa Soekarno-Hatta International Airport samtang sila ang pabalik na sa pungsod.
Suno diri, luyag sini nga makasimba kun siya ang magpauli na sa Pilipinas.
Kaupod sini nga nagsakay sa eroplano ang pila ka mga opisyal sang Department of Foreign Affairs (DFA) sa pagpanguna ni Undersecretary Eduardo de Vega.
Pag-abot sa Pilipinas, siya ang gindiretso gilayon sa Correctional Institution for Women sa Mandaluyong para sa lima ka adlaw nga quarantine.
Madumduman nga nagapangatubang sa sentensya nga kamatayon ang 39-anyos nga si Veloso matapos nga makuhaan sang 2.6 kilos sang heroin sa Indonesia sang 2010.
Tuig 2015 sang temporaryo nga ginkanselar sadto ni President Joko Widodo ang natalana kuntani nga pagbitay kay Veloso.
