Ginsaylo na si Mary Jane Veloso sa isa ka regular dorm sang Reception and Diagnostic Center (RDC) sa Correctional institution for Women matapos ang iya lima ka adlaw nga quarantine period, suno sa Bureau of Corrections (BuCor).
Suno sa ahensya, si Veloso ang ginsaylo sa isa ka regular dorm sang Huwebes kun sa diin, siya ang magatinir sa masunod nga 55 ka adlaw.
Ipaidalom siya sa mandatory orientation, diagnostics, kag classification.
Suno kay Correctional Institution for Women (CIW) acting superintendent Marjorie Ann Sanidad, ang dorm ang nagalaba sang 48×32 feet. Si Veloso ang magatinir didto upod sa 30 ka mga bag-o nga ginbaton nga persons deprived of liberty (PDL).
Ginpahayag ni BuCor Director General Gregorio Catapang nga ang ini nga tion ang may katuyu-an nga mabuligan ang bag-o nga PDLs nga mangin familiar sa pagsulundan sang BuCor kag sa kinamatarong kag prebilihiyo sang PDLs.
Samtang, ginmandu-an ni Catapang ang CIW nga i-translate ang prison records ni Veloso nagikan sa Indonesia.
