Matapos ang masobra isa ka dekada, makapauli na si convicted overseas Filipino worker Mary Jane Veloso sa Disyembre 18 suno sa Department of Foreign Affairs.
Suno kay DFA Undersecretary Tess Lazaro, ginalauman nga magabiya sa Jakarta, Indonesia si Veloso alas 12:50 sang kaagahon kag magaland sa Manila alas 6:00 sang aga.
Si Veloso, 39-anyos, ang may yara sa karun sang death sentence bangud sa drug trafficking matapos nakuhaan sang 2.6 kilos sang heroin sa Indonesia sang 2010.
Sang 2015, ginpahayag ni Indonesian President Joko Widodo nga naghatag ang gobyerno kay Veloso sang isa ka “temporary reprieve” nagikan sa iya scheduled execution may kaangtanan sa ginaalegar human trafficking.
Suno sa Malacanang, ang pagpauli ni Veloso sa iya homeland ang resulta sang masobra isa ka dekada nga consistent nga paghinun-anon, consultations kag diplomacy.
