Nagpanawagan ang Regional Director sang Land Transportation Office 6 batok sa pagkuha sang serbisyo sang mga nagapakilala nga fixer.
Sa interview sang Bombo Radyo Bacolod kay Atty Gaudioso Geduspan II, madamo sang mga biktima sang fixer nga ginscam sang dako nga kantidad kag ginhatagan sang peke nga lisensya ang sa LTO office man gihapon nagadangop agud magreklamo.
Panawagan sini nga magderetso na lamang sa mga LTO Offices agud mabuligan nga makakuha sang lehitimo kag balido nga drivers license.// Suno kay Geduspan nga indi na tuman ka budlay ang proseso sa karun kun ipaanggid sadto.
Apisar nga may theoritical kag practical driving course, matapos sini madasig na lamang ang proseso.
Dugang pa sang Regional Director nga barato lamang ang pagkuha sang lisensya kun sa diin ang student license ang nagahamboy lang sa P250 samtang wala nagadangat sa P1,000 ang para sa new license.
Gani indi mahangpan ni Geduspan kun ano ang rasun nga ginapili nga magbayad sa fixer nga nagadangat ang sukot sa P10,000 kag sa ulihi peke man ang ginahatag nga lisensya.
Panawagan sini nga indi magpatol sa mga naga-offer sang LTO service online bangod ini ang scam.
Magluwas sa online, may-ara man sang nagapangbangga mismo sa gwa sang LTO Offices kag nagatanyag sang mas madasig nga proseso.
Pahanumdom ni Geduspan nga tuyo lamang sang mga fixer nga makapangwarta kag sila ang nagahatag sang peke nga lisensya.
