-- ADVERTISEMENT --
Kasunod sang pagpatuman sang Rice-for-All program nga nagatanyag sang presyo sang bugas nga mas manubo sa P40 kada kilo, nagaplano ang Department of Agriculture (DA) nga magbaligya sang mas barato nga klase sang bugas sa Kadiwa ng Pangulo stalls sa Enero 2025.
Gin-anunsyar ni DA Assistant Secretary Genevieve Guevarra nga magabaligya ang departamento sang isa ka sahi sang brown rice nga pagatawgon nga “Nutri Rice” sa balor nga P38 ang kada kilo.
Dugang pa niya nga magatanyag man ang DA sang isa pa ka sahi nga “Sulit Rice” sa P36 naman kada kilo.
Ginpa-athag sang opisyal nga ang “Nutri Rice” kag “Sulit Rice” ang mangin New Year offering sang DA nga nagatuyo nga maghatag sang mas barato nga alternatibo para sa publiko.
