Gin-anunsyar sang Department of Agriculture (DA) nga sila ang maga-implementar sang ‘Rice-for-All’, ang programa nga magatanyag sang barato nga bili sang bugas sa tanan nga Pilipino.
Ang pahayag ang ginbuy-an ni Agriculture Assistant Secretary Genevieve Guevarra kasunod lamang sang implementasyon sang P29 rice program sa napulo ka Kadiwa stores sa Metro Manila kag Bulacan.
Suno kay Guevarra, ang ‘Rice-for-All’ program ang magabaligya sang kada kilo sang bugas sa balor nga P45 tubtob P48 sa masunod nga mga semana.
Pasalig sini nga ginatrabaho na ang programa nga pagbaligya sang mas barato nga bugas kun ipaanggid sa presyo sa merkado.
Dugang pa ni Guevarra nga ini ang mangin available para sa tanan, kag indi lamang para sa vulnerable sector.
Pahayag pa sini nga wala man sang limit sa sarang mabakal.
Suno kay Guevarra, ang bag-o nga rice program ang una nga ilunsyar sa mga Kadiwa centers antes mangin available sa iban nga mga lugar.
