Nagpanawagan si President Ferdinand Marcos Jr. sang pagtukod sang mas makusog nga international legal frameworks nga magagiya sa disaster prevention kag response, partikular na sa pagprotekta sa publiko.
Ini ang ginpahayag ni Marcos Jr. kadungan sang paghost sang Manila sa Asia Pacific Ministerial Conference on Disaster Risk Reduction (APMCDRR) subong nga tuig nga may tinutuyo nga buhinan ang risk kag impact sang disasters sa pinaka-disaster prone nga rehiyon sa kalibutan.
Suno kay Marcos Jr., proud ang Pilipinas sa pagpamuno sa inisyatibo padulong sa pagdevelop sang isa ka international legal instrument para sa Protection of Persons in the Event of Disasters.
Suno sa iya, tinutuyo sang sini nga tikang nga pun-an ang critical gaps sa mga international disaster response laws, ma-uphold ang kinamatarong kag dignidad sang apektado nga mga persona, maka-establish sang mas maathag nga obligasyon kag ma-enhance ang humanitarian coordination.
