Lauman ang mas madamo nga hampang sa 2028 Olympics kadungan sang ginaplano nga pagbalik sang pila ka mga sporting events.
Santo sa inisyal nga plano, mangin 36 na ang kabug-usan nga sports events sa Los Angeles Olympics kumparar sa 32 sang tinalikdan nga Paris Games.
Kalakip sa madugang amo ang hampang nga cricket nga ulihi nga ginhampang sadtong Paris Olympics 1900.
Pagagamiton diri ang fast-paced Twenty20 format sang nasambit nga sports.
Magabalik man ang mga hampang nga baseball, softball, kag ang lacrose nga pila naman ka edition nga wala malantaw sa Olympics.
Mahimo nga mapasulod sa Los Angeles Organizing Committee ang iban nga bag-o nga sports nga kaangay sang flag football kag squash apang sa karun ginatun-an pa ini.
Mahimo nga sa ulihi nga bahin pa sang 2025 magapagwa sang desisyon ang International Olympic Committee (IOC) angot diri.
