Ginalauman sang alkalde sang ciudad sang Bacolod nga mas mangin madinuagon kag mas masinadyahon ang pagselebrar sang 45th Masskara Festival sa Oktubre.
Ini ang maga-umpisa sa Setyembre 29 apang ang pagsalubong sa selebrasyon ang patigayunon sa Oktubre 12 kag magatakop sa Oktubre 27 nga amo ang highlight sang selebrasyon.
Nalakip sa mga events ang Miss Bacolod competition, Sport Fest, Electric Masskara and Float Parade, Masskara Street Dance and Arena Competition kag madamo pa.
Nalakip man sa activities ang Bombo Radyo Dance Showdown nga patigayunon sa Oktubre 25 sa Bacolod City Public Plaza.// Suno kay Bacolod City Mayor Alfredo ‘Albee’ Benitez, madamo sang mga sponsors nga nagpalapit para sa selebrasyon sang Masskara Festival kun sa diin may yara sang luyag nga makit-an ang Masskara Festival international.
Ini man sa karun ang luyag sang alkalde nga mapakita sa TV, sa social media kag sa iban pa gid nga platform kun ano ka tahum ang Masskara Festival sang Bacolod.
Pahayag ni Benitez, ang goal sang ciduad kada tuig amo nga mas mangin masanyog ang pagselebrar sang Masskara Festival sangsa mga nakaligad.
