Nagapreparar sa karun ang Southern California sa mas malala kag critical nga fire conditions nga gintuga sang bag-o nga period sang Santa Ana winds sa pila ka bahin sang Los Angeles kag Ventura counties samtang nagapadayon ang mga tikang agud macontain ang kalayo.
Ang nasambit nga mga wildfires ang nagpatay sa indi magnubo 25 ka mga persona kag nagtupok sang kapin 40,000 acres sa Greater Los Angeles area, nga nagguba sa masobra 12,300 structures.
Sa karun nagahimo pa sang tikang ang mga bombero agud macontain ang kalayo.
Nagapabilin naman nga unknown ang gintunaan sang kalayo apang ang mga imbestigador ang mas nagafocus sa isa ka specific scorched slope agud madiscover ang gintunaan sang pinakamalapad nga sunog nga amu ang Palisades Fire.
Nagdeklarar ang Los Angeles County sang isa ka public health emergency kag nagpaandam nga ang smoke kag particulate matter ang posible nga maka-impose sang immediate kag long-term threats.
