Nagresulta sa emergency surgery ang ginhimo sang isa ka lalaki kun sa diin masami sini nga ginatampa ang iya kaugalingon nga mata sa sulod sang tatlo ka adlaw, sa pagpati nga madula na ang pagkurog-kurog sang iya mata kag masikway ang malas.
Sa iban nga pagpati, kun makabatyag sila sang amo sini nga eksperyensya, sila ang naga-sign of the cross sa palibot sang ila mata agud indi magtinir ang malain nga espiritu.
Santo sa report, pila na ka adlaw nga gina-sufrer ni Mr. Le ang ‘eye-twitching’ sa iya natuo nga mata.
Gintinguhaan pa sini nga bulngon paagi sa warm compress, apang wala gihapon nagakadula.
Nagpangita si Le sang mga abiso sa internet kag didto na niya nabasa ang suhestyon nga tampa-tampaon ang mata agud madula ang pagkurog-kurog.
Ginhimo niya ini sang makapila ka beses sa sulod sang tatlo ka adlaw sa pagpati nga isa ini ka malain nga senyales ukon malas.
Natalupangdan ni Le nga wala na gakurog ang iya mata apang indi na klaro ang iya panan-awan tubtob nga naglala ini.
Sang nagpacheck-up si Le, nahibaluan nga naga-eksperyensya ini sang retinal detachment, isa ka seryoso nga kondisyon sa mata nga nagakinahanglan sang gilayon nga operasyon.
Pahanumdom sang mga doktor, likawan ang pagsunod sa mga indi beripikado nga mga suhestyon sa internet kag gilayon magpakonsulta sa mga espesyalista.
