NIGERIA – Masobra 100 nga mga tawo ang napatay sa sulod sang isa lang ka gab-i kasunod sang pagsigabong sa isa ka iligal nga oil refining depot sa border sang River sa Nigeria kag Imo states.
Ginpahayag ni Goodluck Opiah, state commissioner for petroleum resources, nga ang pag-ibwal sang kalayo ang nagluntad sa isa ka illegal bunkering site kag nakaapekto sa masobra 100 ka mga tawo nga nagkalasunog kag indi na makilala.
Ang bunkering site ang nahamtang sa Ohaji-Egbema Local Government Area sang Imo state sa Abaezi forest nga nagaserbe nga border sang duha ka estado.
Ang kakulang sang trabaho kag kapigaduhon sa oil-producing Niger Delta ang nagtuga agud mangin makagalanyat nga negosyo ang illegal crude refining apang ini ang may makamamatay nga konsekwensya.
Ang crude oil ang ginakuha gikan sa naga-angot angot nga pipelines nga ginapanag-iyahan sang dalagko nga oil companies kag ginarefine agud nga mangin produkto nga nasulod sa makeshift nga tangke.
Ang delikado nga proseso ang nagatuga sang madamo na nga mga patal nga insidente kag nagtuga sang polusyon sa rehiyon kaangay sang oil spills sa mga farmland, creeks kag lagoons.
Ginpahayag sang Youth and Environmental Advocacy Center nga pila ka mga salakyan nga nakapila agud nga magbakal sang iligal nga gatong ang nagkalasunog sa pagsigabong.
Ang border location ang isa ka reaction sa damlag lang nga pagcrackdown sang River state governor sa mga illegal refining sa tinutuyo nga mabuhinan ang nagalala nga polusyon sa hangin.
