Masobra sa 100 na ka mga vendors ang nakasulod sa bag-o nga Sum-ag Public Market sa Barangay Sum-ag, Bacolod City.
Sa interview sang Bombo Radyo Bacolod kay Punong Barangay Rodney Carmona, 140 na tanan ang nakasulod sa bag-o nga merkado nga ginalakipan sang vegetable, fish kag dry goods vendors apang ang meat vendors na lamang ang nabilin sa gwa.
Ini bangod nga may yara pa sang ginakay-o sa meat section nga wala pa natapos.
Suno diri, mas maayo nga mapasulod na ang tanan nga vendors sa merkado agud nga maghawan ang dalan kag malikawan ang traffic.
Dugang pa sini, kun sa sulod sang merkado mas maingganyo ang mga costumer nga magbakal bangod nga malimpyo ang lugar.
Pahayag ni Carmona, may yara sang arkabala apang minimal lamang agud nga igasto sa maintenance sang market.
Apang, posible naman ini nga magdako kun dako man ang maggasto sa maintenance nga para man sa maayo nga paggawi sang mga vendors sa merkado.
