Ginabanta kapin P102,000 nga balor sang suspected shabu ang nakuha sa paghinakop sang tatlo ka persona nga nadakpan sa buybust operation sa Purok Kabugwason, Barangay Mansilingan syudad sang Bacolod kahapon.
Ang mga suspetsado nga ginkilala kanday Jose Guzman Jr, 50 anyos, kasado; Guila Gomez, 26 anyos; kag Ronald Pelowa, 25 anyos lunsay mga residente sang nasambit nga lugar.
Narekober sa ila paghinakop ang siyam ka heat-sealed transparent sachet sang suspected shabu nga ginabanta nagabug-at sang kapin 15 grams kag iban pa nga drug paraphernalia.
Ang mga suspetsado ang gindakop sang bacolod city police city drug enforcement unit (bcpo-cdeu).
Sa interview kay CDEU team leader Police Lt. Paul Vincent Pendon, masobra isa ka bulan nga ginamonitor ang mga suspetsado antes madakpan.
Ginpahayag man sini nga anay backhoe operator sa probinsya sang Negros Occidental ang suspetsado nga si Guzman jr. apang napilitan nga magduso sang iligal nga druga.
