Masobra 11,600 nga mga korporasyon ang posible nga masuspendi sang Securities and Exchange Commission (SEC) bangud napaslawan nga mag-comply sa reportorial requirements.
Suno sa SEC sa pagtakup lamang sang Oktubre, may yara sang 11,677 nga mga korporasyon ang napaslawan nga magsumiter sang ila mga annual financial statements (AFS) kag general Information sheet (GIS)sa sulod sang walo ka tuig ukon halin 2015 tubtob 2022.
Dugang pa sang SEC nga ang mga ini ang yara sa evaluation para sa posible nga suspension sang certificate of incorporations sang mga ini.
Paathag sang SEC nga ang kada korporasyon, domestic ukon foreign man nga naga-operate sa Pilipinas ang dapat nga magsumiter sang AFS kag GIS kalakip ang reportorial requirements kada tuig ukon mga period kun sa diin sila gin-required.
