Ginpahayag sang Philippine Statistics Authority (PSA) nga masobra 1,300 ka mga indibdiwal nga ginaalegar nagbaton sang disbursements nagikan sa P500-million confidential fund sang Office of the Vice President ang wala sang records sa national registry.
Ginverify sang PSA ang mga identities sang 1,992 ka mga pangalan nga naangot sa confidential funds sang OVP.
Makit-an sa mga resulta nga kapin 670 lamang ka mga pangalan ang nagamatch sa PSA records samtang 1,322 ang wala sang birth records.
Dugang pa sini nga 1,456 ka mga indibidwal ang wala sang marriage records kun sa diin 536 lamang ang possible matches kag 1,593 ang wala sang death records kun sa diin 399 lamang ang potential matches.
Suno kay Manila 3rd District Representative Joel Chua, chairman sang House Committee on Good Government and Public Accountability, ang ini nga mga findings ang makatuga sang isa ka critical nga pamangkot kag ini amu nga kun wala naga-exist ang mga recipients, diin nagkadto ang kwarta.
