Nagdangat na sa masobra sa isa ka libo ang nakumpirmar nga napatay matapos ang mabaskog nga linog nga nagtay-og sa Myanmar kadungan sang nagapadayon nga rescue operations agud nga masalbar ang madamo pa nga natrapped sa idalom sang rubble.
Samtang, nag-umpisa naman sa pag-abot ang foreign aid sa ginakabig nga politically-isolated nga pungsod nga may yara sang kabudlayan sa pagsolusyon sa mga nagluntad nga natural disasters kag nagapangatubang sang civil war humalin pa sang 2021.
Ang death toll sang nagluntad nga 7.7 magnitude earthquake sa Myanmar ang nagdangat sa 1,644 suno sa report.
Apang ang numero sang death toll ang ginalauman pa nga magsaka samtang ginalantaw man sang US Geological Survey ang magadangat pa sa 10,000.
Samtang sa karun nagapadayon ang rescue efforts agud nga masalbar pa ang mga nabilin nga natrap sa idalom sang narumpag nga building kag santo sa mga reports ang mga survivors ang nagagamit sang ila nga mga kamot bangud wala sang heavy machinery.
Nag-abot naman ang Chinese team sa Yangon, isa ka dako nga ciudad sang Myanmar kahapon, Sabado sang aga agud magbulig sa rescue operations samtang nagpadala man sang rescue teams ang Russia kag Indonesia.
Nagpasalig man ang Hong Kong kag Singapore kasubong man ang Malaysia nga magapadala man sang rescue team sa Myanmar.
Sa pihak nga bahin, ginpahayag naman ni Thai Prime Minister Paetongtarn Shinawatra ang nagbalik na sa normal matapos ang mabaskog nga linog nga nagtay-og sa Myanmar nga nakaapekto man sa capital City sang Thailand nga Bangkok.
Nagpatawag man sang Emergency meeting si Shinawatra matapos ang nagluntad nga linog kag ginpahayag nga isa lamang ang nagcollapsed nga building sa Thailand kag dugang pa nga ini ang ginaubra pa lang.
Nagapadayon man ang search operations sa nagcollapse nga building kun sa diin nadetect ang signs of life.
Napulo naman ka mga tawo sa Thailand ang napatay bangud sa linog.
