Masobra 19,000 nga mga empleyado sa NCR, apektado sa pagban sang POGOs

Masobra 19,000 ka mga empleyado sa National Capital Region (NCR) ang maapektohan kasunod sa pag-ban sang Philippine Offshore Gaming Operators (POGO).

Suno kay Regional Director Jude Thomas Trayvilla sang Department of Labor and Employment (DOLE), 19,341 tanan ka mga Filipino workers ang nagatrabaho sa idalum sang 48 ka internet gaming licensees (IGLs) sa NCR.

Kalabanan sa mga ini ang nagabaton sang sweldo nga P16,000 tubtub P22,000 kasubong man ang mga empleyado sa idalum sang administrative tasks, encoding, HR, liaison, marketing, finance, IT, housekeeping, subong man mga drivers kag security guards.

Dugang pa ni Trayvilla masobra 19,000 ang maapektuhan sa bug-os nga NCR kag halos tanan nga kumpaniya ang apektado sa ginpasa nga listahan.