Ginapaabot magadagsa ang masobra 2.2 million nga pasahero sa mga terminal sa Ninoy Aquino International Airport (NAIA) sa panahon sang holiday season.
Ginpahayag sang New NAIA Infra Corp. (NNIC) nga yara sa 2.296 million nga pasahero ang ginapaabot halin Disyembre 20 tubtob Enero 3, 2025 nga nagapakita sang 10.95 percent nga pagsaka ikumpara sa parehos nga period sang 2023.
Ginalantaw man nga malapawan ang kadamuon sang mga pasahero kag flights nga na-record sang Tigkalalag sa amu man nga panahon sang 2023.
Bilang solusyon, ginpahayag sang kumpaniya nga nagahanda na sila sa pagdagsa sang mga pasahero sa airport terminals paagi sa pagpatuman sang measures parehos sang pagpadamo sang ila staff, pagpalawig sang terminal operations kag pagpaayo pa sang security protocols.
