Masobra 20 ka mga Pilipino sa Estados Unidos nga gina-alegar involved sa iligal nga aktibidad ang ginpabalik sa Pilipinas.
Suno kay Philippine Ambassador to the US Jose Manuel “Babe” Romualdez, ini ang kabahin sa mass deportation promise ni US President Donald Trump.
Paathag ni Romualdez nga ang mga gindeport nga Pilipino ang na-angot sa mga criminal activities, apang indi tuman ka dako ukon seryoso.// Suno diri, sila ang nakamonitor sang kapin 24 ka mga Pilipino nga gindeport na gikan sa Estados Unidos.
Madumduman nga una na nga ginpahayag sang US Government nga mangin prayoridad nila sa deportation ang mga may criminal records, kasubong man ang 1.3 million immigrants nga una na nga naproseso.
Nag-abiso man ini sa mga Pilipino sa America nga wala sang bisan ano nga status, nga boluntaryo na lamang nga magpauli sa Pilipinas ukon umpisahan na ang pagproseso sang mga dokumento, kag indi na hulaton pa nga ideport.
Suno kay Romualdez, madamo sang mga Pilipino nga nagdesisyon nga magabalik na lamang sa Pilipinas bangod sila ang wala pa sang legal status sa America.
Apang ang mga Pilipino nga legal nga nagatrabaho sa Estados Unidos ang may tyansa pa nga makaproseso sang ila papelis.
