Masobra 300 ka mga persona sa ciudad sang Bacolod ang nagkaladakpan nga nagbayolar sa ginapatuman nga curfew angot sa general community quarantine (GCQ) bilang kabahin sang precautionary measures batok sa COVID-19 kahapon.
Sa impormasyon nga nakuha sang Bombo Radyo, 307 ka mga persona ang nagkaladakpan sang Bacolod City Police Office nga wala nagatuman sang curfew sa sulod lamang sang isa ka adlaw.
Sa Police Station 1, 29 ka mga persona; 18 sa Police Station 2; 22 sa Police Station 3; 32 sa Police Station 4; 16 sa Police Station 5; 17 sa Police Station 6; 30 sa Police Station 7; 34 sa Police Station 8; 24 sa Police Station 9; kag 13 sa Police Station 10.
20 naman ang nagkaladakpan sang Bacolod City Mobile Force Company samtang 52 ang nadakpan sa Mobile Patrol Group.
Sa idalum sa general community quarantine, ang curfew ang epektibo alas 10:00 sang gab-i tubtob alas 4:00 sang kaagahon samtang ginadumilian naman ang mga naga-edad 20 padalum kag mga senior citizens nga magwa sa ila mga puluy-an.
