339 sa 468 ka mga takers ang nakapasar sa psychologists licensure examination samtang 6,133 naman sa 8,370 ang nakapasar sa psychometricians licensure examination nga lunsay ginpatigayon sang tinalikdan nga semana suno sa Professional Regulation Commission.
Suno sa PRC, ang Board of Psychology ang nagpatigayon sang psychologists licensure exam sa Metro Manila, Cebu, Davao, Legazpi, Pampanga kag Rosales; kag psychometricians licensure exam naman sa Metro Manila, Baguio, Cagayan de Oro, Cebu, Davao, Iloilo, Koronadal, Legazpi, Lucena, Pampanga, Rosales, Tacloban, Tuguegarao kag Zamboanga, sa Agosto 1 kag 2.
Ang top performing schools sa psychologist exam nga may yara sang indi magnubo 30 ka mga test takers amu ang Ateneo De Manila University, kun sa diin lunsay 32 sa mga examinees sini ang nakapasar.
Ang graduate diri nga si Jessicca Mae Ong Dee ang top scorer nga nakakuha sang score nga 86.10 percent.
Ang ADMU amu man ang top performing school sa psychometricians exam kun sa diin indi magnubo sa 50 ang test takers kag lunsay 78 ang nakapasar sa mga examinees.
Ang top scorer amu si Bianca Patricia Tiglao Reyes sang Bulacan State University-Malolos nga may score nga 89.60 percent.
