Masobra 3,000 ka mga unemployed kag out-of-school youth ang makaangkon sang mas dako nga tiyansa nga makakuha sang trabaho sa karun nga nakasugtan sang pila ka mga organisasyon nga maghatag sang libre nga skills training nga nagabalor P43 million sa idalum sang YouthWorks PH.
Ang YouthWorks PH ang isa ka P1.7 billion workforce development project sang United States Agency for International Development and the Philippine Business for Education.
Tinutuyo sini nga maghatag sang work-based training opportunities para sa mga unemployed youth nga naga-edad 18 tubtob 30-anyos.
Ini ang ginlunsyar sang 2018.
Suno kay PBEd Board of Trustees chairman Ramon Del Rosario Jr., masobra duha ka million nga mga trabaho ang ginalauman nga mabakante kun wala sang nagakaigo nga reforms sa edukasyon kag training sang workers.
Suno sa iya, ang mga kabataan ang ginaangot sa mga training institutions agud makatuon sang mga skills nga ila kinahanglan agud makaagom ini sang maayo nga trabaho pila ka adlaw.
Suno kay Ryan Washburn, USAID Philippines Mission director, dapat nga hatagan ang mga kabataan sang oportunidad agud ma-maximize ang ila mga potentials.
