Nagdangat sa masobra sa 3,400 ka mga kasapatan ang nahalitan matapos ang paglupok sang Bulkan Kanlaon.
Santo sa datos sang Office of the Provincial Agriculturist as of June 19, 2024, nagdangat na sa 3,421 ka mga kasapatan sa ciudad sang Bago kag La Carlota ang nagkalamatay bangod sa epekto sang paglupok sang bulkan.
Suno kay Dr Ryan Janoya, Officer in Charge sang OPV, sa pagbisita sini sa banwa sang La Castellana, kalabanan sa mga sapat nga naapektuhan didto amo ang mga manok.
Ila ginbisita ang Brgy Cabagnaan kag Brgy Biak na Bato sa nasambit nga banwa kun sa diin ang mga kasapatan ang nagbatyag sang respiratory illness bangod sa baho sang asupre ilabi nga ang yara sa sulod sang 4km permanent danger zone kag iban diri ang may pilas pa matapos nga napaso sang mainit nga debris nga naggikan sa bulkan.
Padayon sa karun ang Veterinary Medical Mission sang OPV, sa paghatag sang mga bulong kag pagprovide sang treatment sa mga sapat.
Naghatag man sila sang feeds para ipakaon sa mga kasapatan bangod nga madamo sang mga pananom ang nahalitan man nga ginapakaon sa mga sapat.
