43 tubtob 48 ka mga persona ang nag-evacuate sa Sitio Hiles, Brgy. Inayawan, banwa sang Cauayan, Negros Occidental matapos magluntad ang pagbaha tuga sang mabaskog nga ulan kahapon sang kaagahon.
Sa interview sang Bombo Radyo kay Provincial Disaster Risk Reduction and Management Office Head Dr. Zeaphard Gerhart Caelian, ginpahayag sini nga 43 tubtob 48 ka mga persona ang nag-evacuate kahapon sang aga kag yara sa karun sa Sitio Campo bangud sa baha.
Suno kay Caelian, nagaamat-amat naman subside ang tubig.
Samtang, sa Sitio Tamburong, Brgy. Caliling, nag-evacuate man ang mga pumuluyo padulong sa national road kag ginhulat nga magnubo ang tubig.
Suno sa iya, ang lapta-lapta nga pag-ulan ang tuga sang Low Pressure Area kag Southwest Monsoon.
Gindugang man sini nga santo sa imbestigasyon, nagasupon ang drainage sang nasambit nga mga lugar rason kun ngaa madasig ang pagtaas sang tubig.
