Ginkansela ang masobra sa 400 ka mga domestic flights sa Japan bangod sa Typhoon Ampil.
Sa interview sang Bombo Radyo Bacolod kay Bombo international news correspondent Josel Palma derekta sa Japan, ginapahalong sa karun ang mga pumuluyo sa nasambit nga pungsod sa makusog nga hangin nga sarang makatumba sang mga balay.
Suno diri, may ginpreparar na nga mga evacuation center kun sa diin may yara na sang nag-evacuate.
Samtang, may naeksperyensyahan man nga power outages kapin sa isa ka libo nga mga panimalay.
Suno kay Palma, delay kag suspended ang byahe sa mga train stations kag nagdangat sa 471 ka mga domestic flights ang ginkansela.
Pahayag ni Palma, hugot nga ginapahalong ang mga pumuluyo sa posible nga pagluntad sang landslide, baha kag pagkaguba sang mga balay kag buildings.
