Masobra 400 ka law violators, dakop sa Western Visayas sa sulod sang isa ka semana

475 ka mga inidibidwal nga naglapas sa layi ang naaresto sang Police Regional Office 6 sa sulod sang isa ka semana.

Humalin sang Oktubre 7 – tubtob 13, natigayon nga maaresto ang 475 ka mga law violators sa ginpatigayon nga 337 ka police operations.

Sa bahin sang illegal nga druga 107 ang naaresto, 22 diri ang ginakabig nga high value individuals kag 85 ang street level individuals.

Sa wanted persons, 190 ang naaresto, 34 diri ang most wanted persons kag 156 ang other wanted persons.

34 naman ang naaresto sa loose firearms kag 154 ang nadakpan sa illegal gambling.

Ang tanan nga mga nadakpan ang yara na sa kustodiya sang kapulisan nga magapangatubang sang nagakaigo nga kaso.