-- ADVERTISEMENT --
BACOLOD CITY — Nagpanumpa na ang 453 ka mga bag-o nga recruits ukon Police Officers 1 sang Police Regional Office (PRO) 18 kahapon.
Mismo si PRO-18 director Chief Supt. Edmund Gonzales ang nag panguna sa oath-taking sang bag-o nga mga recruits nga gin patigayon las 2:00 kahapon sa parade ground sang Negros Occidental Police Provincial Police (NOCPPO).
109 sa 453 ang mga babaye.
Kasunod sini magahanas ang mga ini sa regional training center antes i-deploy sa mga police stations.
Bilang pinuno sang PRO-18 nag pangabay si Chief Supt. Gonzales sa mga bagito nga pulis nga ihatag ang ginalauman sa ila sang mga pumuluyo nga amo ang pag proteher sa pungsod, konstitusyon kag mismo ang komunidad kag ila gid siguruhon nga matinlo ang ila ngalan.
-- ADVERTISEMENT --
