Ginkakas ang kabug-usan nga 5,388,421 ka mga botante nagikan sa official voter’s list para sa 2025 midterm elections santo sa latest data nagikan sa Commission on Elections (Comelec).
Sa nasambit nga numero, kabug-usan nga 686,859 ka mga botante ang napanas na gikan sa listahan.
Paathag sang Comelec nga nadeactivate ang registration sang mga botante matapos mapaslawan nga makaboto sa 2 ka magsunod nga regular elections ukon paagi sa court order, pagkadula sang Filipino citizenship kag wala sang valid nga mga dokumento.
Samtang ang mga napanas naman nga listahan ang bangud napatay na ukon may multiple ukon double registration.
Samtang, nagdangat naman sa 5,372,424 ang kabug-usan nga numero sang bag-o nga rehistrado nga botante para sa 2025 midterm elections.
Nauna na nga ginreport sang poll body nga lapaw na sa 65.9 million ang mga rehistrado nga botante para sa May 2025 elections samtang manubo pa ini sa target sang poll body nga 70 million voters.
