Hungod nga ginsunog sang mga otoridad sa Myanmar ang masobra 50 ka tonelada sang illegal nga droga nga ginabanta nagabalor sang kapin $600 million bilang kabahin sang pag-obserba sang International Day Against Drug Abuse and Illicit Trafficking.
Kalakip sa mga ginsunog amo ang heroin, opium, ketamine, methamphetamine, marijuana, kag crystal meth.
Madugay na nga bantog ang Myanmar bilang isa isa pinakadako nga supplier sang heroin kag methamphetamine sa kalibutan.
Suno sa mga eksperto, tuman na gid nga naglala ang produksyon sang ilegal nga droga matapos ang military takeover sadtong 2021, nga nagresulta sa isa ka malapad nga civil war sa tunga sang militar, mga grupo nga maka-demokrasya, kag mga armado nga ethnic group.
Bangud sa kinagamo kag kakulangan sang seguridad sa pungsod, mas nangin mabudlay ang pagtapna sa produksyon kag distribusyon sang ilegal nga droga.
