Masobra 500 gramos sang suspected shabu ang nakumpiskar sang City Drug Enforcement Unit (CDEU) sa ciudad sang Bacolod sa bulan sang Hulyo.
Sa interview sang Bombo Radyo kay CDEU Head Police Lt. Joven Mogato, 546 grams sang suspected shabu ang nakumpiska sa bulan sang Hulyo lakip na ang 415 grams nga nakumpiskar kay Christine Balenario nga nadakpan sa buybust operation sa Barangay Singcang Airport, Bacolod City.
Yara sa P3.7 million ang standard drug price sang suspected shabu nga narecover sa bulan sang Hulyo.
Apat ka mga operasyon ang ginpatigayon kun sa diin anum ka mga suspetsado ang naaresto nga ginalakipan sang anum apat ka mga lalaki kag duha ka mga babaye.
Suno kay Mogato, duha diri ang high value individual kag duha ang street level individual.
Aminado ini nga mas manubo ang ila narecover sang Hulyo kun ikumparar sang Hulyo bangud nagakaalarma naman ang mga drug users kag pushers sa asod-asod nga operasyon sang mga otoridad rason kun ngaa nagasaylo sila boarding house.
Nagapadayon naman ang pagmonitor sang CDEU sa sitwasyon sang ciudad may kaangtanan sa illegal nga druga.
