Nagdangat sa 513 ka mga wanted persons ang naaresto sang Police Regional Office 6 (PRO6) sa nakaligad nga Abril 2022.
Nagikan sa 513 wanted persons arrested, eighty-three (83) ang gin-classify nga mga most wanted persons (MWP) kag 430 naman ang other wanted persons (OWPs).
Ang Negros Occidental naman ang may pinakamadamo nga MWPs nga naaresto nga nagadangat sa 31, ginasundan sang Iloilo Province 16; Bacolod City 12; Capiz may nadakpan nga napulo; Aklan, kag Antique nga may yara sang apat; Iloilo City may yara sang tatlo kag Criminal Investigation and Detection Group – Regional Field Unit 6 (CIDG-RFU6) nga may yara sang duha.
Samtang sa bahin naman sang 430 OWPS, ang Negros Occidental man ang may pinakamadamo nga naaresto nga nagadangat sa 246; Iloilo Province -nga may 60 nga nagkaladakpan; Bacolod City nga may 38; Antique nga may 23; Aklan kag Capiz nga may 15 ; CIDG-RFU6 – 13; Iloilo City – 12; kag Guimaras nga may walo ka mga nagkaladakpan.
Ini ang resulta sang 489 ka mga police operations nga ginpatigayon sang mga otoridad sa rehiyon.
Gindayaw man sang Police Regional Office 6 ang mga kapulisan sa bug-os nga rehiyon sa ila pagtinguha nga madakpan kag mapanabat sa ila mga nahimo nga krimen ang nasambit nga mga wanted persons.
