Nabaton na sang Commission on Elections (Comelec) Bacolod ang 69,098 ka mga pirma nga nagasuporta sa Charter Change paagi sa People’s Initiative .
Suno kay Bacolod Election Officer Atty. Kathrina Trinio-Caña, ang dokumento ang ginsumiter sang tiglawas sang proponent nga si Atty. Anthony Abad nagligad nga Enero 12.
Ang dokumento ang ginalakipan sang pangalan, address, precinct number kag pirma.
Suno kayTrinio-Caña, magahulat sila sang mando halin sa Comelec En Banc angut sa verification sang dokumento samtang ang nasambit nga dokyumento ang igasafekeep anay sa ila opisina.
Samtang, ginpahayag man sini nga wala pa sila makahibalo nga may yara sang ginpalapta nga dokyumento para sa signature agud nga amyendahan ang 1987 Constitution kun wala ang mga ini ang nakabaton sang dokyumento nga may pirma.
Ang Bacolod City ang may masobra 340 mil ka mga regular registered voters.
