Nabaton na sang masobra 700 ka Public Utility Jeepney drivers ang P5,000 financial assistance gikan sa gobyerno sa pay out nga ginpatigayon kahapon sa ciudad sang Bacolod.
Ginpangunahan sang DSSD- Bacolod kag Department of Social Welfare and Development (DSWD) -Negros Island Region ang payout apang ang masterlist nagikan sa central office sang Land Transportation Franchising and Regulatory Board (LTFRB).
May yara sang 2,011 ka mga drivers sa ciudad ang makabaton sang ayuda kag gintunga ang schedule sang payout, first batch kahapon, may yara subong nga adlaw tubtob bwas.
Mahibaloan nga nalakip sa makabaton sang ayuda ang mga unconsolidated jeepneys.
Kun may drivers nga wala nalakip sa lista, mahimo sila magcontact sa ila operator ukon sa LTFRB ukon magpamangkot sa help desk sang DSSD.
Suno kay Dr Ritchelle Verdeprado Mangga, head sang Department of Social Services and Development- Bacolod, ginacontact ang mga drivers antes ang adlaw sang payout apang may iban nga indi macontact.
Suno diri, may appeal sa pagclaim san ayuda apang kun kaisa ang iban wala sa gihapon nakakuha sang financial assistance para sa ila.
