Masobra P700, 000 nga balor sang ginapatihan iligal nga drug ang nakuha sang mga otoridad nagikan sa high value individual nga babayi nga nadakpan sa buybust operation sa Purok Roadside, Brgy. Tangub, Bacolod City, alas-2:00 kaina sang kaagahon.
Ang 34-anyos nga si Glaiza Alvaran alias Masang sang Purok Roadside, Brgy Tangub ang nadakpan kaupod nanday Leobert Polvora alias Amay, 40 yrs old, kag residente sang Marapara St., Brgy. Villamonte, Bacolod City; kag Jonave Umadhay alias Didi, 44 yrs old, balo kag residente sang Purok Kadena de Amor, Brgy. Handumanan, Bacolod City.
Matapos mabaklan sang isa ka sachet sang suspected shabu, nakuhaan pa gid ini sang dugang nga 26 ka sachets sang illegal drugs.
Ang kabug-usan nga shabu ang nagabalor sang 105 grams kag ginabanta nga nagabalor sang P714, 000.
Ang mga arestado ang nagapangatubang sang kaso nga paglapas sa RA 9165 ukon Comprehensive Dangerous Drugs Act of 2002.// Ang operasyon ang ginpatigayon sang City Drug Enforcement Unit sang Bacolod City Police Office.
