Masobra 700,000 ang narecover nga balor sang suspected shabu sa 49 anyos nga lalaki sa buybust operation nga ginpatigayon sa Purok Kagaykay, Barangay 2, Bacolod City alas-8:00 kagab-i.
Ang subject person amo si Wilfredo Lumanog alias Boy, 49 anyos, single, ginakabig high value individual kag residente sang Purok Kasanag, Barangay Sum-ag, Bacolod City.
Narecover sa iya paghinakop ang isa ka nakabugkos nga plastic bag kag apat ka plastic sachet sang suspected shabu kalakip na ang buybust item.
Ang narecover nga suspected shabu ang ginabanta nagabug-at sang 112 gramos kag may standard drug price nga P761,600.
Si Lumanog ang natalana mangatubang sang kaso sa paglapas sang Section 5 kag 11 sang Republic Act 9165 ukon Comprehensive Dangerous Drugs Act of 2002.
